14․03․2024 — Դպրոցում կայացավ մաթեմատիկայի մրցույթ մաթեմատիկական հաստատունի՝ պի թվի (π) միջազգային օրվա կապակցությամբ․․

π 3,1415926535 8979323846 …

Մարտի 14 — ը մաթեմատիկական հաստատունի՝ պի թվի (π) միջազգային օրն է։ 
✔️2019 թվականին պի թվի օրը հայտարարվել է մաթեմատիկայի միջազգային օր։
✔️Դպրոցում կայացավ մաթեմատիկայի մրցույթ (մաթ.ճակատամարտ) 10-րդ և 11-րդ թվով տասը դասարանների միջև:
✔️Մոտ մեկ ժամ տևած բաց մրցույթի արդյունքում ամենաշատ միավոր հավաքած 3 դասարաններ որպես հաղթողներ ստացան վկայականներ:

16.01.2024 — Կորիզ կրթական ծրագիրն ու Ֆիզմաթ դպրոցը մեկնարկում են համադպրոցական մաթեմատիկական արշավ

Հունվարի 16-ին մեկնարկել է նոր մաթեմատիկական արշավ-մրցույթ, որը համատեղ իրականացնում են Հայաստանում ամենամասշտաբային համադպրոցական մրցույթը ստեղծած Կորիզ կրթական ծրագիրը և աշխարհում ամենահեղինակավոր World’s Best School Prizes մրցույթի կողմից 10 լավագույն դպրոցներից մեկը ճանաչված  ԵՊՀ-ինառընթեր Ա․ Շահինյանի անվան ֆիզիկամաթեմատիկական հատուկ դպրոցը։

«Կորիզ մաթեմատիկա» նոր մրցույթի մեկնարկը պաշտոնապես տրված է։ Գրանցվել կարող են  ՀՀ տարածքում գործող  հանրակրթական  դպրոցների բոլոր 3-12-րդ դասարանի աշակերտները և քոլեջի ուսանողները։

«Dasaran կրթական ծրագրի և Koreez կրթական շարժման հիմնադիր Սուրեն Ալոյանը նշեց, որ  այս համագործակցությունով մենք պաշտոնապես ուզում ենք մաթեմատիկան ճանաչել որպես Հայաստանի առաջընթացի կարևորագույն հենասյուն և տեխնոլոգիական զարգացման առանցք։

ԵՊՀ-ին առընթեր Ա․ Շահինյանի անվան ֆիզիկամաթեմատիկական հատուկ դպրոցի տնօրեն Արման Սարգսյանն ընդգծեց, որ արշավի մեկնարկով կփորձեն մաթեմատիկայի դերն էլ ավելի բարձրացնել:

«Համադպրոցական մրցույթը կլինի ամբողջ Հայաստանի աշակերտների համար, որը,  մեր դպրոցի օրինակից ելնելով, մեկ անգամ ևս կոգեշնչի բոլոր աշակերտներին: Սա նաև մեր դպրոցի համար է կարևոր, քանի որ մենք միշտ հայտնաբերում ենք մեծ ընդունակություններով աշակերտներին, իսկ այս արշավի միջոցով մենք ևս մեկ հնարավորություն կունենանք բացահայտել լավագույններին: Մրցույթի հաղթողներին կտրամադրվի հարցազրույցով Արտաշես Շահինյանի անվան ֆիզիկամաթեմատիկական հատուկ դպրոց ընդունվելու արտոնություն»,- ասաց Սարգսյանը:

Մրցույթը բաղկացած է երկու՝ առցանց և առկա  փուլերից և մրցանակաբաշխությունից։ Գրանցվելու համար անհրաժեշտ է մուտք գործել www.koreez.am կայք և ընտրել «Կորիզ մաթեմատիկա» մրցույթը։

 

08-13.01.2024-1 ոսկի, 4 արծաթ, 6 բրոնզե մեդալներով Ֆիզմաթցիները վերադարձան Ժաուտիկովյան միջազգային հոբելյանական 20-րդ օլիմպիադայից․․

2024թ. հունվարի 8-ից 13-ը Ղազախստանի Ալմաթի քաղաքում տեղի ունեցավ Ժաուտիկովյան միջազգային հոբելյանական 20-րդ օլիմպիադան:

Օլիմպիադան կազմակերպվում է մաթեմատիկա, ֆիզիկա և ինֆորմատիկա առարկաներից:

Ֆիզմաթ դպրոցի 15 աշակերտներից 11-ը արժանացան մեդալների, որից 1 ոսկի, 4 արծաթ և 6 բրոնզ:

Ոսկե մեդալի է արժանացել Ֆիզմաթ դպրոցի 9-րդ դասարանի աշակերտ Սարգիս Առաքելյանը:
Սարգիս Առաքելյանը որպես ամենակրտսեր մասնակից արժանացել է նաև հատուկ մրցանակի:
Շնորհավորում ենք բոլոր մեդալակիրներին, Ֆիզմաթ դպրոցին, ուսուցիչներին և խմբակներում նրանց հետ պարապող մասնագետներին:

Ֆիզմաթ դպրոցի աշակերտների արդյունքները

1. Առաքելյան Սարգիս — 9բ — մաթեմատիկա — ոսկի

2. Ղազարյան Ալեն — 11բ — մաթեմատիկա — արծաթ
3. Աղայան Արսեն — 12դ — ֆիզիկա — արծաթ
4. Հասրաթյան Արեն — 12ա — մաթեմատիկա — արծաթ
5. Գալստյան Միքայել — 11ա — մաթեմատիկա — արծաթ

6. Միրաքյան Կամո — 12գ — մաթեմատիկա — բրոնզ
7. Խաչատրյան Մարտին — 11գ — ինֆորմատիկա — բրոնզ
8. Գալստյան Նարեկ — 11բ — ֆիզիկա — բրոնզ
9. Եգորյան Ծովակ — 11ա — ինֆորմատիկա — բրոնզ
10. Աբրահամյան Վահան — 10ա — ինֆորմատիկա — բրոնզ
12. Քալաշյան Մհեր — 11բ — ինֆորմատիկա — բրոնզ

13. Եգորյան Սևակ — 10ա — ինֆորմատիկա — առանց մրցանակ
14. Ասատրյան Արման — 10ա — մաթեմատիկա — առանց մրցանակ
11. Պողոսյան Սմբատ — 11դ — ֆիզիկա — առանց մրցանակ
15. Մելքոնյան Վահե — 11դ — ֆիզիկա — առանց մրցանակ

28.11.2023-Միջոցառում 9դ դաս. մասնակցությամբ՝ <Ազգային ոգին> թեմայով…

Դաստիարակությունը չի կարող սահմանափակվել մեկ նպատակով՝ տալ ուսյալ քաղաքացիներ:

Վ.Բելինսկի

Այս անգամ Ֆիզմաթ դպրոցում, 9դ դասարանի (դաստիարակ՝ Մ.Հարությունյան) կողմից հնչում է ազգային ոգին՝ազգային-ազատագրական երգերի ու պարերի հետ համեմված հայոց մեծերից  Պարույր Սևակի և Համո Սահյանի բանաստեղծություններով:

Ֆիզմաթ դպրոցում զարգացումը մենք տանում ենք ներդաշնակ՝ ինչպես ֆիզիկականը, այնպես էլ էսթետիկականը, ազգայինը և բարոյականը:

2023թ-ի Ֆիզմաթցիների նվաճումները Միջազգային օլիմպիադաներում

Միջազգային օլիմպիադաներ — 2023

ԻՆՖՈՐՄԱՏԻԿԱՅԻ 35-րդ միջազգային օլիմպիադա

ԱՐԴՅՈՒՆՔՆԵՐԸ — 28.08-04.09.2023թ․

Ղեկավարներ՝
— Անդրեասյան Արմեն – ԵՊՀ,
— Անդրեասյան Սամվել – ԵՊՀ։
Մասնակիցներ՝
— Աբելյան Սամվել – Ֆիզմաթ հատուկ դպրոց, 12-րդ դասարան – բրոնզե մեդալ,
— Պետրոսյան Համլետ – «Քվանտ» վարժարան, 12-րդ դասարան – առանց մրցանակի,
— Եգորյան Ծովակ — Ֆիզմաթ հատուկ դպրոց, 10-րդ դասարան – բրոնզե մեդալ,
— Գևորգյան Գագիկ – «Քվանտ» վարժարան, 10-րդ դասարան – բրոնզե մեդալ։
Անցկացման վայրը՝
ք․Սեգեդ (Հունգարիա)։
Կայք՝ IOI2023

ԱՍՏՂԱԳԻՏՈՒԹՅԱՆ 16-րդ միջազգային օլիմպիադա 

ԱՐԴՅՈՒՆՔՆԵՐԸ — 10-20․08.2023թ․

Ղեկավարներ՝
— Մամբրեյան Վարդգես – Ա.Շահինյանի անվան ֆիզմաթ հատուկ դպրոց։
Մասնակիցներ՝
— Բարսեղյան Արեգ – ֆիզմաթ հատուկ դպրոց, 12-րդ դասարան – գովասանագիր,
— Պետրոսյան Վյաչեսլավ – ֆիզմաթ հատուկ դպրոց, 12-րդ դասարան – արծաթե մեդալ,
— Հարությունյան Արտավազդ — ֆիզմաթ հատուկ դպրոց, 12-րդ դասարան – բրոնզե մեդալ,
— Առաքելյան Մարիա – ֆիզմաթ հատուկ դպրոց, 12-րդ դասարան – գովասանագիր։
Անցկացման վայրը՝
ք․ Սիլեսիա, Լեհաստան
Կայք՝ IOAA2023

ՄԱԹԵՄԱՏԻԿԱՅԻ 64-րդ միջազգային օլիմպիադա

ԱՐԴՅՈՒՆՔՆԵՐԸ — 02-13․07․2023թ․

Ղեկավարներ՝
— Գոգյան Սմբատ — Ա․Շահինյանի անվան ֆիզմաթ հատուկ դպրոց,
— Ասատրյան Գուրգեն — ՀՊՄՀ,
— Մարգարյան Տիգրան – Ա․Շահինյանի անվան ֆիզմաթ հատուկ դպրոց։
Մասնակիցներ՝
— Միրաքյան Կամո — Ա.Շահինյանի անվան ֆիզմաթ դպրոց, 11-րդ դասարան – արծաթե մեդալ,
— Պետրոսյան Համլետ — «Քվանտ» վարժարան, 12-րդ դասարան – բրոնզե մեդալ,
— Բաղդասարյան Վահան — Ա.Շահինյանի անվան ֆիզմաթ դպրոց, 11-րդ դասարան – բրոնզե մեդալ,
— Դարբինյան Աղասի — «Քվանտ» վարժարան, 10-րդ դասարան – բրոնզե մեդալ,
— Մկրտչյան Արեգ — Ա.Շահինյանի անվան ֆիզմաթ դպրոց, 11-րդ դասարան– արծաթե մեդալ,
— Եգորյան Ծովակ — Ա.Շահինյանի անվան ֆիզմաթ դպրոց, 10-րդ դասարան – գովասանագիր։
Անցկացման վայրը՝
ք․ Չիբա, Ճապոնիա
Կայք՝ IMO2023

ՖԻԶԻԿԱՅԻ 53-րդ միջազգային օլիմպիադա

ԱՐԴՅՈՒՆՔՆԵՐԸ — 10-17․07․2023թ․

Ղեկավարներ՝
— Կուրղինյան Բիլոր – Ա․Շահինյանի անվան ֆիզմաթ դպրոց,
— Թոփչյան Հրանտ — Ա.Շահինյանի անվան ֆիզմաթ դպրոց։
Մասնակիցներ՝
— Առաքելյան Մարիա — Ա․Շահինյանի անվան ֆիզմաթ դպրոց, 12-րդ դասարան – բրոնզե մեդալ,
— Բարսեղյան Արեգ — Ա․Շահինյանի անվան ֆիզմաթ դպրոց, 12-րդ դասարան – բրոնզե մեդալ,
— Պետրոսյան Վյաչեսլավ — Ա․Շահինյանի անվան ֆիզմաթ դպրոց, 12-րդ դասարան – բրոնզե մեդալ,
— Աղայան Արսեն — Ա․Շահինյանի անվան ֆիզմաթ դպրոց, 11-րդ դասարան – բրոնզե մեդալ,
— Կարապետյան Հովսեփ — ՀԱՊՀ ավագ դպրոց, 12-րդ դասարան – արծաթե մեդալ։
Անցկացման վայրը՝
ք․Տոկիո (Ճապոնիա)։

Կայք՝ IphO-23

ԿԵՆՍԱԲԱՆՈՒԹՅԱՆ 34-րդ միջազգային օլիմպիադա

ԱՐԴՅՈՒՆՔՆԵՐԸ — 03-11․07․2023թ․

Ղեկավարներ՝
— Ղուկասյան Գայանե — ԵՊՀ,
— Մարության Սեդա – ԵՊՀ
— Ավանեսյան Գևորգ – ԵՊՀ,
— Պետրոսյան Արեն — ԵՊԲՀ։
Մասնակից՝
— Կարայան Համլետ — Ա․Շահինյանի անվան ֆիզմաթ դպրոց, 12-րդ դասարան – առանց մրցանակի։
Անցկացման վայրը՝
ք․Դուբայ, Ալ Այն համալսարան (ԱՄԷ)։

Միջազգային Ժաուտիկովյան 19-րդ օլիմպիադա  (Ղազախստան)

01.02-10.02․2023թ․ — ԱՐԴՅՈՒՆՔՆԵՐԸ

Ոսկե մեդալի արժանացան՝

1.  Կամո Միրաքյան (մաթեմատիկա — 11-րդ դաս.)

2. Արեգ Բարսեղյան (ֆիզիկա — 12-րդ դաս.):

Արծաթե մեդալի արժանացան՝

1.  Վահան Բաղդասարյան (մաթեմատիկա — 11-րդ դաս.),

2. Արեգ Մկրտչյանը (մաթեմատիկա — 11-րդ դաս.),

3. Ալեն Ղազարյան (մաթեմատիկա — 10-րդ դաս.),

4. Մարիա Առաքելյան (ֆիզիկա — 12-րդ դաս.):

Բրոնզե մեդալների են արժանացել.

1. Մերի Բադալյան (մաթեմատիկա — 11-րդ դաս.),

2. Արեն Հասրաթյան (մաթեմատիկա — 11-րդ դաս.),

3. Միքայել Եղիազարյան(մաթեմատիկա — 10-րդ դաս.),

4. Ծովակ Եգորյան (մաթեմատիկա — 10-րդ դաս.),

5. Վյաչեսլավ Պետրոսյան (ֆիզիկա- 12-րդ դաս.),

6. Սամվել Աբելյան (ինֆորմատիկա — 12-րդ դաս.),

7. Տիգրան Սարգսյան (ինֆորմատիկա — 12-րդ դաս.),

8. Ֆիլյա Գեիկյան (ինֆորմատիկա — 12-րդ դաս.):

22․07․2022 — Ինֆորմատիկայի Եվրոպայի աղջիկների 3-րդ օլիմպիադայից Ֆիզմաթցիները վերադարձան 3 մեդալով․․

Հուլիսի 15-21-ը Շվեդիայի Լունդ քաղաքում կայացել է ինֆորմատիկայի Եվրոպայի աղջիկների 3-րդ օլիմպիադան, որին մասնակցել է 52 երկրի 189 դպրոցական: Օլիմպիադան անցկացվել է երկու փուլով։

Հայաստանի թիմը ներկայացել է 4 մասնակցով, որոնցից երեքը ներկայացնում էին Ա․ Շահինյանի անվան ֆիզմաթ հատուկ դպրոցը, իսկ մեկը՝ Շիրակացու անվան ճեմարանը: Ֆիզմաթ հատուկ դպրոցի 12-րդ դասարանի աշակերտ Ֆիլյա Գեիկյանն արժանացել է արծաթե, իսկ նույն դպրոցի սաներ Մերի Բադալյանը (12-րդ դասարան), Արփի Պրազյանը (10-րդ դասարան) և Շիրակացու անվան ճեմարանի աշակերտ Սյուզաննա Գրիգորյանը (12-րդ դասարան)՝ բրոնզե մեդալների։

Հայաստանի թիմը ղեկավարել են Արմեն Անդրեասյանը (ԵՊՀ դասախոս) և Սամվել Անդրեասյանը (ԵՊՀ ուսանող)։

26.05.2023 — Շնորհավոր <Վերջին զանգ> Ֆիզմաթ դպրոցի սիրելի շրջանավարտներ…

Այսօր Ֆիզմաթ դպրոցում ավարտական դասարանների աշակերտների համար երկար և խորհրդավոր կերպով հնչեցին վերջին զանգի ղողանջները։ Վերջին զանգը սպասված և հիշարժան իրադարձություն է, որն ուղեկցվում է աշակերտների, ուսուցիչների և ծնողների հուզմունքով, լեցուն է սիրո, ջերմության և երախտագիտության խոսքերով, բարեմաղթանքներով ու անմոռանալի պահերով։ Մենք այսօր կյանք ճանապարհեցինք հասուն և կազմակերպված մի նոր սերունդ, որն իր աշխատանքով ու ներդրումով դառնալու է մեր երկրի հզորացման ու ամրապնդման գործի հուսալի և ակտիվ մասնակիցը:
Ջերմորեն շնորհավորում ենք բոլորիս Վերջին զանգի կապակցությամբ:

Ֆիզմաթ դպրոցի տնօրինություն

28.04.2023-Միջոցառում` նվիրված Շառլ Ազնավուրի հիշատակին․․

Ֆիզմաթ դպրոցի հանդիսությունների դահլիճում 8ա դասարանը (դաստիարակ՝ Գայանե Մանուկյան) ներկայացրեց միջոցառում` նվիրված Շառլ Ազնավուրի հիշատակին ու նրա ժառանգության պահպանմանը։
Աշակերտները ներկայացրեցին Շառլ Ազնավուրի կյանքն ու աշխարհը՝ հենց նրա աչքերով։
Կատարեցին նրա հանրահայտ երգերից, որոնք վերստին բացահայտում են մեծանուն հայորդու հայրենասեր ու ազգանվեր ոգին:
Շառլ Ազնավուրը կյանքից հեռացել է 2018 թվականի հոկտեմբերի 1-ին՝ աշխարհին թողնելով մշակութային հարուստ ժառանգություն:

24.03.2023 — Միջոցառում նվիրված Ֆրանկոֆոնիայի օրերին…

Ամեն տարի, Ֆրանկոֆոնիայի միջազգային օրվա առիթով  Ֆիզմաթ դպրոցը մասնակցում է մարտ-ապրիլ ամիսներին Հայաստանում անցկացվող Ֆրանկոֆոնիաի սեզոնի մշակութային ծրագրերին :

Ֆիզմաթ դպրոցի հանդիսությունների դահլիճում տեղի ունեցավ հերթական միջոցառումը, որտեղ 8դ դասարանը (դաստիարակ Մարիետա Հարությունյան) ներկայացրեց Անտուան դը Սենտ-Էքզյուպերի  <Փոքրիկ իշխանը>  բեմականացումը։

Միջոցառմանը աշակերտները իրենց գեղարվեստական  ելույթներով ներկայացրեցին ֆրանսիական մշակույթը: